20 сағат бұрын
Нұртас Әжбенов ресейлік боксшымен чемпиондық белбеу үшін жұдырықтасады
Қазақстандық кәсіпқой боксшы Нұртас Әжбенов келесі жекпе-жегін Ресейде өткізеді. Оның қарсыласы – кәсіпқой рингте әлі жеңіліп көрмеген Вадим Мусаев.
Жекпе-жек 27 қарашада Уфа қаласында өтетін IBA Pro 22 бокс кешінде ұйымдастырылады. Бұл кездесуде жартылай орта салмақтағы IBF Pan Pacific тұжырымы бойынша чемпиондық белбеу сарапқа салынады.
Әжбенов кәсіпқой рингте 15 жеңіске жетіп, екі рет жеңілген. Ол соңғы айқасында 31 қазанда Ақтөбеде өзбекстандық Бургут Ходжибоевты бірінші раундта нокаутпен ұтты.
Ал Вадим Мусаев 15 жекпе-жектің барлығында жеңіске жеткен. Ресейлік боксшы соңғы рет 11 шілдеде шаршы алаңға шығып, угандалық Фарахат Манилоланы төрешілер шешімімен жеңді.
Біздің серіктес: Sport12kz