2 күн бұрын
Астанада өтетін 2027 жылғы әлем чемпионатына тіркеу басталды
World Boxing ұйымы 2027 жылы Астанада өтетін бокстан әлем чемпионатына қатысушыларды тіркеу науқанын бастады.
Аталған дода 2028 жылы Лос-Анджелесте өтетін Олимпиада ойындарына іріктеудің алғашқы кезеңі болады. Чемпионат аясында ерлер мен әйелдер арасындағы жүлделер сарапқа салынып, Олимпиадаға берілетін алғашқы жолдамалар үлестіріледі.
Ұйымның мәліметінше, Астанадағы әлем чемпионатында Лос-Анджелес Олимпиадасына арналған 44 лицензия ойнатылады. Оның 22-сі ерлерге, қалған 22-сі әйелдерге беріледі.
Айта кетейік, әлем чемпионаты 2027 жылдың 10–26 сәуірі аралығында өтеді.
Біздің серіктес: Sport12kz