Жанкүйерлердің рекорды, Дастан Сәтпаевтың голы: Ел чемпионатының алғашқы туры қалай өтті?

Футболдан 1-2 наурыз күндері кезекті ел чемпионатының жалауы желбіреді.

Қандай жайттар тіркелді?

- 7 матчта 11 гол соғылды;

- 21 сары қағаз көрсетілді;

• «Тобыл», «Қызылжар», «Ордабасы» клубтары мүлдем ескерту алмаса, «Жеңіс» пен «Ақтөбеге» ең көп 4 сары қағаз берілді.
• «Қайсар», «Оқжетпес» клубтары негізгі құрамда тек отандық футболшыларға сенім артты. Негізгі құрамда ең аз 2 отандық футболшыны «Тұран», «Астана», «Қайрат» ұжымдары шығарды.
• 1-турда 204 футболшы алаңға шықты. Олардың арасынан 112 отандық футболшы (негізгі құрамда 75 ойыншы, қосалқы құрамнан 37 ойыншы) доп тепті.
• 56 футболшы Премьер-лигада дебют жасады.
• 4 ойында жеңімпаз анықталмады. Осындай бұған дейін 2008 жылғы ел чемпионатының алғашқы турында тіркелген;

ҚАЙ МЕМЛЕКЕТТІҢ ӨКІЛДЕРІ ГОЛ СОҚТЫ? 

Қазақстан — 5

Өзбекстан - 1

Беларусь - 1

Сербия — 1

Ресей — 1

Бразилия - 1

Хорватия - 1

«Атырау» – «Елімай» - 2:1

Жанкүйер саны: 1 500

• Чемпионаттың алғашқы голы осы матчта тіркеліп, «мұнайшылар» сапынан Едіге Оралбай гол соқты.
• 2024 жылдың алғашқы турында қос клуб Семейде жолығып, 0:0 есебімен тең тарқасқан болатын.

— «Атырау» клубы 6 жылдан кейін ел чемпионатын жеңіспен бастады. Бұған дейін 2019 жылы сырт алаңда «Қайсардан» 0:1 есебімен басым түскен еді.

— «Атырау» қақпашысы Арсен Сиукаев 11 соққы қайтарды.

«Ордабасы» – «Ақтөбе» - 0:0

Жанкүйер саны: 7 000

• Шымкенттіктер өз алаңында ақтөбеліктерді 2019 жылдан бері 6 ойында жеңе алмай келе жатыр.

«Тобыл» – «Ұлытау» - 2:0

Жанкүйер саны: 3 000

• «Ұлытау» 28 жылдан кейін Жоғарғы лигаға оралды. Олар кейінгі ойынын 1997 жылы 5 сәуір күні «Қайсар-Харрикейнге» қарсы өткізіп (0:4), артынша қаржылық қиындыққа байланысты бәсекені жалғастырудан бас тартқан.
• Осы турда қостанайлықтардың сапынан Ислам Чесноков ең көп 6 соққы (4 дәл соққы) бағыттады.

«Қайсар» – «Жеңіс» - 0:0

Жанкүйер саны: 2 000

«Тұран» – «Оқжетпес» - 2:0

Жанкүйер саны: 2 500

• «Тұран» алғаш рет Қазақстан чемпионатын жеңіспен бастады.

«Қызылжар» – «Жетісу» - 1:1

Жанкүйер саны: 200

• Кот-д’Ивуар елінің азаматы, «Қызылжар» футболшысы Нене Гбамбле осы турда ең көп 6 дриблинг жасады.

«Астана» – «Қайрат» - 1:1

Жанкүйер саны: 26 153

• Қазақстан чемпионатында жанкүйер саны бойынша жаңа рекорд тіркелді.
• Биылғы чемпионаттың ең жас дебютанты (16 жас, 6 ай) Дастан Сәтпаев гол соқты.

Біздің серіктес: Olimpbet қосымшасын пайдалан