Дмитрий Попко Челленджер турнирінің ширек финалына шыға алмады

Қазақстандық теннисші Дмитрий Попко Чили астанасы Сантьягода өтіп жатқан Челленджер турнирінің алғашқы айналымында жеңіліс тапты.

Жұптық сында аргентиналық Андреа Колларинимен бірге сынға түскен Дмитрий жарыстың 1/8 финалында Гонсало Буэно (Перу)/Альваро Меза (Эквадор) тандеміне жол берді.

Кездесу 1 сағат 10 минутқа созылды. Нәтижесінде Попко бастаған ұжым 0:2 (4:6; 2:6) есебімен жеңіліс тапты.

Енді отандасымыз өз бағын жекелей сында сынап көреді. Попконың (АТР: 220) алғашқы ойындағы қарсыласы — перулық Гонсало Буэно (АТР: 270).

Аталған матч бүгін, 11 наурыз Қазақстан уақытымен сағат 19:00-ге жоспарланған.

Айта кетейік, дүбірлі доданың жалпы жүлде қоры 100,000 еуроны құрайды.

Біздің серіктес: Olimpbet қосымшасын пайдалан