Чемпион кикбоксшыларды ерекше құрметпен қарсы алды

Италияның Лидо-ди-Езоло қаласында өткен кикбоксингтен Әлем кубогында Қазақстан құрамасы керемет нәтиже көрсетті. Біздің спортшылар 14 алтын, 7 күміс, 6 қола медаль жеңіп алып, жалпыкомандалық есепте бірінші орынға ие болды.

Астана әуежайында оларды туған-туыстары, достары, бапкерлері мен жанкүйерлері зор қошеметпен қарсы алды.

Ұлттық құраманың бас бапкері Қайрат Смағұлов:

“Қазақстан – кикбоксингтен әлемнің үздік құрамаларының бірі деп есептеймін. Әлем кубогына 46 елден спортшылар қатысып, біздің қатысқан 32 отандасымыз 27 медаль еншіледі, оның 14 медалі — алтын. Бұл – үлкен жетістік! Жарысқа тыңғылықты дайындалдық, алдағы додаларда да осындай жоғары нәтижелер көрсетеміз деп сенемін.”

Біздің серіктес: Olimpbet қосымшасын пайдалан