15.07.2025
Рафаэль Уразбахтин: Чемпиондар лигасының келесі кезеңіне өту мүмкіндігі әлі бірдей
«Қайрат» футбол клубының бас бапкері Рафаэль Уразбахтин Чемпиондар Лигасының бірінші іріктеу кезеңі аясында словениялық «Олимпия» командасына қарсы өтетін жауапты ойын алдында пікір білдірді, деп хабарлады Sport12.kz
Айта кетейік, екі команданың алғашқы кездесуі Словения астанасы Люблянада өтіп, 1:1 есебімен аяқталған болатын. Алматылықтардың жалғыз голын Дастан Сәтпаев соқты.
— Жауапты ойында келесі кезеңге өту мүмкіндігі 50 де 50. Біз «Олимпиямен» матчқа жақсы дайындалдық. Люблянада әдейі қорғаныс тактикасын таңдадық. Ал Алматыда өзіміздің шынайы мүмкіндігімізді көрсетеміз, — деді Уразбахтин словениялық БАҚ-қа берген сұхбатында.
Жауапты матч 20:00-де Алматыдағы Орталық стадионда өтеді.
Біздің серіктес: Sport12kz
Қанат Байұзақов