Нидерланды құрамасының бұрынғы ойыншысы 7 жылға сотталды

Нидерланды құрамасының бұрынғы ойыншысы Давид Мендес да Силва кокаин саудасымен айналысқаны үшін жеті жылға бас бостандығынан айырылды.

40 жастағы Мендес да Силваны Роттердам соты салмағы 74 және 105 келі болатын екі партия кокаин әкелгені үшін соттады. Сонымен қатар, да Силва есірткі сату және жеткізушіге пара бергені үшін кінәлі деп танылды. Бұрынғы футболшы 2022 жылы тамызда қамауға алынған.

Да Силва мансабында «Спарта Роттердам», «АЗ Алкмаар» және «РБ Зальцбург» сияқты клубтарда ойнаған. Нидерланды құрамасы сапында 7 матч өткізді. 2017 жылы мансабын аяқтады.

Біздің серіктес: Sport12kz