Қақпашы Тибо Куртуа Чемпиондар лигасында тарихи межені бағындырды

«Реал Мадрид» қақпашысы Тибо Куртуа Чемпиондар лигасындағы 100-мерейтойлық ойынын өткізіп, турнир тарихында бұл межені бағындырған сегізінші қақпашы атанды.

Бельгиялық голкипер осылайша футбол аңыздарының элиталық клубына қосылды. Ол Икер Касильяс, Джанлуиджи Буффон және Оливер Кан сияқты әйгілі қақпашылармен қатар тұр.

Куртуаның алдында 103 ойынмен Оливер Кан келеді. Сондықтан бельгиялық қақпашының неміс аңызын басып озуына небәрі төрт ойын қалды.

Чемпиондар лигасында ең көп ойын өткізген қақпашы — 177 матч Икер Касильяс. Ал белсенді мансабын жалғастырып жатқан қақпашылар арасында Куртуадан жоғары көрсеткішке Мануэль Нойер (161) мен Ян Облак (106) ие.

Куртуа Чемпиондар лигасында «Генк», «Атлетико Мадрид», «Челси» және «Реал Мадрид» клубтарының сапында өнер көрсетті. Ол турнирдегі 100-ойынын да мадридтік команда сапында өткізді.

Біздің серіктес: Sport12kz