Арсеналдың бұрынғы бас бапкері ФИФА-ны басқаруы мүмкін

«Арсеналдың» бұрынғы бас бапкері Арсен Венгер ФИФА президенттігіне атын ұсыныуы мүмкін. Француз маманын ұйымның қазіргі басшысы Джанни Инфантиноға қарсылас ретінде қарастырып жатыр.

The Times басылымының мәліметінше, Инфантиноға қарсыоас іздеген тараптар Венгерді сайлауға қатысуға көндірмек. Дегенмен 76 жастағы маманның бұл ұсынысқа қатысты ұстанымы әзірге белгісіз жариялмады.

Қазіргі уақытта Венгер ФИФА-да футболды жаһандық дамыту бағытына жауапты. Ол 1996–2018 жылдары «Арсеналды» жаттықтырып, клубпен бірге бірқатар ірі жетістікке жетті.

ФИФА президентін сайлау 2027 жылғы 18 наурызда өтеді. Кандидаттарды ұсыну 2026 жылғы 18 қарашада аяқталады. Қазіргі басшы Джанни Инфантино да сайлауға қатысатынын мәлімдеген.

Президенттікке үміткер болуы мүмкін тұлғалардың қатарында Иордания ханзадасы Әли бин Әл-Хусейннің де есімі аталады. Ол 2016 жылы ФИФА президенттігі үшін өткен сайлауға қатысқан.

Әзірге Арсен Венгердің ФИФА басшысы қызметіне үміткер болатыны ресми түрде жарияланған жоқ.

Біздің серіктес: Sport12kz