Исламбек Қуат «Жеңістен» кететін болды

Қазақстан ұлттық құрамасының тәжірибелі жартылай қорғаушысы Исламбек Қуат елордалық «Жеңіс» клубы сапынан кететін болды, деп хабарлайды Sport12.kz.

Клуб пен ойыншы арасындағы келісімшарт ұзартылмайды деген шешім қабылданған. Осы себепті ол «Тобылмен» өткен кездесуді өткізіп алды, ал «Ордабасыға» қарсы алдағы матчта да алаңға шықпайды.

Қуаттың келесі клубы петропавлдық «Қызылжар» болуы мүмкін. Солтүстікқазақстандық команда ойыншыға нақты қызығушылық танытып отыр. Сонымен қатар, қарағандылық «Шахтер» де оны өз қатарында көргісі келеді.

Исламбек Қуат өз мансабында «Оқжетпес», «Ақтөбе» және «Қайрат», «Астана» клубтарында өнер көрсеткен. Ал шетелде Ресейдің «Оренбург» және «Химки» командаларында ойнаған. «Жеңіске» Қуат еркін агент ретінде қосылды.

Айта кетсек, қазақстандық жартылай қорғаушы Исламбек Қуат ұлттық құрама сапында ойындарға қатысу жөнінен тізімде үшінші орынға көтерілді,

Біздің серіктес: Sport12kz