Килиан Мбаппе Эль-Класико матчының үздік ойыншысы атанды

Мадридтік «Реалдың» шабуылшысы Килиан Мбаппе Испания чемпионатының оныншы турында «Барселонаға» қарсы өткен матчтың үздік ойыншысы деп танылды. Кездесу 2:1 есебімен «Реалдың» пайдасына аяқталды, деп хабарлайды Sport12.kz.

Эль-Класико аясында Мбаппе дубль жасап, 41 және 87-минуттарда гол соқты. Flashscore порталы да француз футболшысын матчтың үздік ойыншысы деп танып, оған 8,8 балл қойды.

Бұл жеңістен кейін «Реалдың» еншісінде 24 ұпай бар. Ал «Барселона» 27 ұпаймен көш бастап тұр. Осылайша, мадридтік клуб каталондықтармен арадағы айырмашылықты үш ұпайға дейін қысқартты.

Айта кетейік, «Барселона» осы матчқа дейін чемпионаттағы тоғыз кездесудің барлығында жеңіске жеткен еді.

Келесі турда «Барселона» өз алаңында «Алавеспен» кездессе, «Реал» сырт алаңда «Расингке» қарсы ойнайды.

Біздің серіктес: Sport12kz