«Манчестер Сити» қорғаушысы қаңтарда клубтан кетуі мүмкін

«Манчестер Ситидің» сол қапталдағы қорғаушысы Райан Аит-Нури қысқы трансферлік кезеңде командадан кетуі мүмкін, деп хабарлайды Sport12.kz.

Бұған ойын тәжірибесінің аздығы себеп болып отыр.

Басылымның мәліметінше, 25 жастағы алжирлік футболшы Энцо Маресканың жоспарына енуі қиынға соғуы мүмкін. Ол осы маусымда Ағылшын Премьер-лигасында әлі алаңға шыққан жоқ. Ал Чемпиондар лигасы мен Англия лигасы кубогында төрт матч өткізіп, үш нәтижелі пас берген.

Қорғаныстың сол қапталындағы орын үшін бәсекеде Аит-Нури Йошко Гвардиол мен Нико О’Райлиден кейін тұр. Футболшы командадағы орнын сақтап қалу үшін күресуге дайын. Алайда жағдай өзгермесе, қаңтарда клубтан кетуге тырысуы мүмкін.

Айта кетейік, жазғы трансферлік кезеңнің соңында «Манчестер Юнайтед» қорғаушыны қатарға қосуға әрекет жасағанымен, «Манчестер Ситиден» бас тарту алған. Енді манкуниандық клуб оның кандидатурасына қайта оралуы мүмкін.

Біздің серіктес: Sport12kz