«Ордабасы» Қазақстан кубогын үшінші рет жеңіп алды

Шымкенттік «Ордабасы» Қазақстан кубогының финалында Қызылорданың «Қайсар» клубын 4:1 есебімен жеңіп, жарыс жеңімпазы атанды. Шешуші матч Түркістандағы «Түркістан Арена» стадионында өтті, деп хабарлайды Sport12.kz.

Ойынның жетінші минутында Сұлтанбек Астанов есеп ашты. Арада көп уақыт өтпей Бьорн Йонсен «Ордабасының» басымдығын еселей түсті.

Екінші таймда Давид Абагна мен Елхан Астанов шымкенттік клуб сапынан мергендік танытты. Ал Агостиньо Азеведо кездесудің соңғы голын соқты. «Қайсар» бір доппен жауап қайтарды. Қорытынды есеп – 4:1.

Осы жеңістен кейін «Ордабасы» Қазақстан кубогын үшінші рет иеленді. Ал Қызылорданың «Қайсар» клубы биыл Премьер-лигадан Бірінші лигаға түсіп, ел кубогының финалында да жеңілді.

Біздің серіктес: Sport12kz