6 күн бұрын
Айбол Әбікен Қазақстан құрамасының алдағы ойынында не күтетінін айтты
Фото: ҚФФ
Қазақстан құрамасының жартылай қорғаушысы Айбол Әбікен жарақатынан кейінгі қалпына келуі және УЕФА Ұлттар лигасының топтық кезеңіндегі шешуші матчтар алдындағы команданың көңіл күйі туралы айтып берді, деп хабарлайды Sport12.kz.
– Ұлттық құрамаға келіп, оған пайда тигізу – мен үшін үлкен мәртебе. Өте қуаныштымын. Жарақаттан кейін біраз уақыт алаңға шықпадым. Қазір бабыма қайта оралып келемін. Командаға көмектесе аламын деп ойлаймын. Бізге айтылғанның бәрін түсінеміз. Екі ойынға дайынбыз деп ойлаймын. Ұлттық құрамаға әр келген сайын бір-бірімізді сағынып келеміз. Бір-бірімізді көргенде қуанамыз. Көңіл күй жақсы, – деді Айбол Әбікен.
Айбол Әбікен 2004 жылы шымкенттік клуб сапында ойын көрсеткен еді.
Ол мансабында 2017-2021 жылдары алматылық «Қайрат», 2022 жылы Павлодар облысының «Ақсу» клубында доп тепті. Айбол Әбікен 2025 жылы «Қайсар» сапына ауысты.
2018 жылдан бері Қазақстан ұлттық құрамасында ойын көрсетіп келеді.
Біздің серіктес: Sport12kz