Қазақстан мен Молдова матчына италиялық төрешілер қызмет көрсетеді

Футболдан Қазақстан мен Молдова құрамалары арасындағы UEFA Ұлттар лигасының бесінші тур ойынын италиялық төрешілер бригадасы басқарады.

Матч 13 қарашада Қазақстан уақытымен сағат 22:00-де басталады. Матчты «Qazsport» телеарнасынан тікелей эфирде көруге болады.

Бас төреші міндеті Андреа Коломбоға жүктелген. Оған Даниеле Биндони мен Джованни Баччини көмектеседі. Төртінші төреші – Кевин Боначина. VAR жүйесінде Алеандро ди Паоло жұмыс істесе, оның көмекшісі Федерико ла Пенна болады.

Қазіргі таңда Қазақстан құрамасы төрт турдан кейін бір ұпаймен топта соңғы орында келеді. Отандастарымыз Фарер аралдарымен екі рет тең түсіп (1:1, 2:2), Словакия (1:2) мен Молдоваға (0:2) есе жіберді.

Ал Молдова құрамасы Словакиядан екі мәрте жеңіліп (0:2, 0:4), Фарер аралдарымен тең ойнады (1:1). Сонымен қатар Қазақстанды 2:0 есебімен жеңген.

Біздің серіктес: Sport12kz