«Манчестер Юнайтед» Майкл Кэррикке қатысты шешім қабылдады

Англияның «Манчестер Юнайтед» клубының баспасөз қызметі ресми сайтта бас бапкер Майкл Кэррикпен келісімшарт бұзылғанын жариялады, деп хабарлайды Sport12.kz.

Тәжірибелі маман қаңтар айында клубқа қайта оралып, команданы Премьер-лигада үшінші орынға алып шыққан еді. 2025/2026 маусымының қалған 17 матчында 12 мәрте жеңіске жетіп, осы кезеңде лигада ең көп ұпай жинады.

- Биылғы маусым көңіл көншітпейді, сондықтан өзгеріс қажет деген өте қиын шешім қабылданды. Майкл «Манчестер Юнайтедтің» аңызы болды және әрдайым солай болып қала береді. Ол клубта болған бүкіл кезеңінде ең жоғары деңгейдегі адалдық пен кәсібилікті көрсетті. Оның көшбасшылық қасиеті мен өткен маусымдағы жетістіктері мәңгі жадымызда қалады», - делінген команданың баспасөз қызметінің хабарламасында.

Майкл Кэррик 1981 жылы дүниеге келген. Өз мансабында 2016-2018 жылдары «Манчестер Юнайтед» клубының намысын қорғады. Сондай-ақ ол сол елдің «Вест Хэм Юнайтед», «Суиндон Таун», «Бирмингем Сити», «Тоттенхэм Хостпур» клубтарында доп тепті.

Манчестерлік клуб қазір аргентиналық Маурисио Почеттиноны бас бапкер қызметіне тағайындаудың негізгі шарттары бойынша ауызша келісімге келді. Бұл туралы инсайдер Фабрицио Романо X әлеуметтік желісінде хабарлады.

Дереккөздің мәліметінше, қазіргі уақытта АҚШ футбол федерациясымен келіссөздер жүргізіліп жатыр.

Клуб Почеттиноның келісімшартын 10 млн долларға сатып алу құқығын пайдаланғысы келетіні хабарланды. Одан кейін ресми қадамдар жасалуы тиіс.

Маурисио Почеттино 2024 жылдан бері АҚШ құрамасының бас бапкері қызметін атқарып келеді.

Айта кетсек, бұдан бұрын Зинедин Зидан болашақта қай клубқа баруға неитті екенін айтты.

Біздің серіктес: Sport12kz