Словакия мен Фарер аралдары тең тарқасты

Ұлттар лигасының бесінші турында Словакия құрамасы өз алаңында Фарер аралдары командасын жеңе алмады. Кездесу 2:2 есебімен аяқталды, деп хабарлайды Sport12.kz.

Кошице қаласында өткен матчта алаң иелері сапынан Эрик Прекоп (17-минут) пен Лукаш Гараслин (74-минут) гол соқты. Ал қонақтар құрамында Вильормур Давидсен 30-минутта пенальтиден есепті теңестірсе, Аки Самуэльсен 48-минутта көзге түсті.

Осылайша, бес ойыннан кейін С дивизионының үшінші тобында Словакия 11 ұпаймен көш бастап тұр. Молдова құрамасының еншісінде – 7 ұпай, Фарер аралдары – 5 ұпай, Қазақстан – 2 ұпай.

Айта кетейік, Фарер аралдары құрамасы осы уақытқа дейін өткізген бес матчтың барлығында тең түскен.

Біздің серіктес: Sport12kz