Қазақстан U17 құрамасы Аустрияны ойсырата жеңді

Футболдан Қазақстан U17 құрамасы 2027 жылғы Еуропа чемпионаты іріктеу кезеңінде Аустрияны ірі есеппен жеңді, деп хабарлайды Sport12.kz.

Кездесу барысында ел құрамасынан Роман Черноморец (дубль), Әнуар Төленді (дубль), Салим Хасанов, Ислам Рашидов пен Ибрахим Асан мергендік танытты.

Осылайша отандастарымыз қарсыласынан 7:0 есебімен басым түсті.

17 жасқа дейінгі Қазақстан жасөспірімдер құрамасы 2026/27 жылғы Еуропа чемпионатының алғашқы іріктеу кезеңіне қатысады. 14-топтың ойындары 14-17 қараша аралығында Грузияда өтеді.

Жеребе қорытындысы бойынша отандық жасөспірімдер Аустрия және Грузия құрамаларымен шеберлік байқасады.

УЕФА-ның жаңартылған іріктеу форматына сәйкес, бастапқы раундта өз тобында үздік шыққан екі ұжым екінші кезеңнің А лигасына өтеді. Олар 2027 жылдың көктемінде Латвияда өтетін Еуропа чемпионатының финалдық бәсекесіне берілетін жолдамаларды сарапқа салады. Ал топта 3-ші орын алған командалар жарысты B лигасының екінші раундында жалғастырады.

Еске салсақ, Словакия құрамасының бас бапкері Владимир Вайсс Қазақстанға қарсы матч алдында құрамдағы өзгерістерді жариялады.

Біздің серіктес: Sport12kz