3 сағат бұрын
Бүгін Ұлттар лигасының іріктеу кезеңі мәресіне жетеді
Фото: Getty Images
Бүгін UEFA Ұлттар лигасының алтыншы турының үшінші ойын күні өтеді, деп хабарлайды Sport12.kz.
Бұл күнгі ойындар арасында А лигасы төртінші тобындағы Уэльс - Португалия кездесуін ерекшелеп айтуға болады. Өткен турда өз алаңында Данияға 1:4 есебімен ойсыра жеңілген олар бұл жолы жанкүйерлерін қуанта ала ма? Оны ойын барысынан бағамдайтын боламыз.
Турнир кестесінде Португалия бірінші орында тұрса, Уэльс соңғы орынды місе тұтып келеді.
А лигасы. Төртінші топ
00:45. Уэльс - Португалия
00:45. Дания - Норвегия
Бұл топта бес турдан кейін Португалия 12 ұпаймен көш бастап тұр. Одан кейінгі орындардағы Данияның 9, Норвегияның 6 ұпайы бар. Соңғы орындағы Уэльс 3 ұпай еншіледі.
В лигасы. Екінші топ
00:45. Венгрия - Солтүстік Ирландия
00:45. Украина - Грузия
Бес турдан кейін Солтүстік Ирландия 11, Венгрия 10 ұпаймен плей-офф сатысына бір тур бұрын жолдама алды. Одан кейінгі орындардағы Украина 4 ұпай еншілесе, Грузияда небәрі 2 ұпай бар.
В лигасы. Үшінші топ
00:45. Ирландия - Косово
00:45. Израиль - Аустрия
Бұл топта 11 ұпай еншілеген Аустрия бірінші орынға жайғасса, Косово 6, Ирландия 5, Израиль 3 ұпаймен одан кейінгі үш орынға жайғасты.
В лигасы. Төртінші топ
00:45. Польша - Швеция
00.45. Босния және Герцоговина - Румыния
Бұл топта Швеция 12, Босния және Герцогвина 8 ұпаймен плей-офф жолдамасына ие болды. Одан кейінгі орындардағы Польша 4, Румыния 3 ұпаймен соңғы екі орынды місе тұтты.
Еске салсақ, бұдан бұрын Ұлттар лигасының ширек финалына шыққан жеті құрама анықталды.
Біздің серіктес: Sport12kz