7 сағат бұрын
«Арсенал» үш футболшымен келісімшартын ұзартады
Фото: uefa.com
Лондондық «Арсенал» команданың үш негізгі ойыншысымен жаңа келісімшарттарға қол қояды. Бұл туралы The Touchline Х әлеуметтік желісінде жазды, деп хабарлайды Sport12.kz.
Дереккөздің ақпаратынша, жартылай қорғаушы Деклан Райспен келісім 2031 жылға дейін жасалады.
Қақпашы Давид Райя клубпен 2030 жылға дейінгі келісімшарт бойынша принципті келісімге келді. Қорғаушы Юрриен Тимбер де лондондық клубпен келісімді ұзартады.
27 жастағы Райс ағымдағы маусымда барлық турнирде 15 матч өткізіп, бір гол соғып, бес нәтижелі пас берді. Transfermarkt бағалауы бойынша, ағылшын футболшысының нарықтық құны 120 млн еуроны құрайды.
31 жастағы Райя осы маусымда барлық турнирде 15 ойын өткізіп, сегіз гол жіберіп алды және 10 кездесуді «нөлге» өткізді. Transfermarkt испаниялық қақпашыны 30 млн еуроға бағалайды.
25 жастағы Тимбер ағымдағы маусымда 10 матч өткізіп, бір голмен көзге түсті. Transfermarkt мәліметінше, Нидерланд құрамасының футболшысының нарықтық құны 70 млн еуроға бағаланады.
Еске салсақ, «Манчестер Юнайтед» қаңтар айына трансферлік мақсат ретінде төрт орталық шабуылшыны қарастырып жатыр.
Біздің серіктес: Sport12kz