7 сағат бұрын
Қазақстанда бұқаралық футболды дамытуға мән беріледі
Фото: ҚФФ
ҚФФ мен Football For Kids қоры Supernovas жобасын дамыту туралы меморандумға қол қойды, деп хабарлайды Sport12.kz.
Қазақстан футбол федерациясы мен Football For Kids қоғамдық қоры балалар және бұқаралық футболды дамыту, өңірлік жаттықтырушылардың біліктілігін арттыру және футболдың қолжетімділігін арттыру бағытында меморандумға қол қойды.
Supernovas – Football for kids ҚҚ-ның еліміздің шағын қалалары мен ауылдарындағы балалар футболын дамытуға бағытталған коммерциялық емес жоба. Жоба аясында балалар футболмен тегін әрі тұрақты айналысып, ал өңірлік жаттықтырушылар арнайы оқыту бағдарламаларына қатысып, заманауи әдістемелік материалдармен қамтылады.
ҚФФ-мен серіктестік аясында Supernovas білім беру платформасы құрылып, «D» санатындағы жаттықтырушы лицензиясын алуға арналған онлайн курс іске асырылды.
Меморандум аясында тараптар жаттықтырушыларды даярлау, әдістемелік материалдар әзірлеу, өңірлік жаттықтырушылар қауымдастығын қолдау, CP Football бағытын дамыту, сондай-ақ бірлескен семинарлар мен іс-шаралар өткізу бойынша ынтымақтастықты жалғастырады.
Серіктестік 2027 жылдың соңына дейін балалар футболының қолжетімділігін арттыруға, жаттықтырушылардың кәсіби дамуына және бұқаралық футболды дамытуға бағытталған.
Біздің серіктес: Sport12kz