5 сағат бұрын
«Реал Мадрид» италиялық «Комодан» өз түлегін қайтарып алғысы келеді
Фото: www.foxsports.com
Испанияның «Реал Мадрид» командасы италиялық «Комодан» жартылай қорғаушы Нико Пасты кері сатып алу опциясын іске қосуды жоспарлап отыр, деп хабарлайды Sport12.kz
COPE ақпараты бойынша, корольдік клуб өз түлегінің оралуы үшін алдағы жазда 80 млн еуро төлеуге дайын. Журналист Мельчор Руис клуб бұл мәмілені жақын арадағы трансферлік терезеде жүзеге асыруға берік ниетті екенін жеткізді.
Айта кетсек, өткен маусымаралық кезеңде «Комо» 22 жастағы жартылай қорғаушының құқығын «Реал Мадридтен» 60 млн еуроға өз қатарына қосты. Оған дейін италиялық клуб ойыншыны 6 млн еуроға жалға алған еді.
Биылғы маусымда Нико Пас А сериясы мен Чемпиондар лигасында 14 матч өткізіп, 6 гол соғып, 8 нәтижелі пас берді.
Нико Пас 2004 жылы Испанияда дүниеге келген. Дегенмен ол қазір Аргентина құрамасы сапында өнер көрсетеді.
2016-2022 жылдары ол «Реал Мадрид» командасының жасөспірімдер және жастар командаларында жасыл алаңға шықты. Одан кейінгі екі жылда корольдік клубтың негізгі құрамында 4 кездесуге қатысты.
Ал «Комо» сапында жартылай қорғаушы 2024 жылдан бері 80 кездесуде 21 мәрте көзге түсіп үлгерді.
Еске салсақ, шымкенттік «Ордабасы» леверкузендік «Байер» мен Нигерия құрамасының шабуылшысы Виктор Бонифейсті командаға шақыру мүмкіндігін қарастырып жатыр.
Біздің серіктес: Sport12kz