5 сағат бұрын
«Барселона» камбэк жасап, «Вильярреалды» жеңді
«Барселона» Испания чемпионатының 13-туры аясында «Вильярреалды» 3:2 есебімен тізе бүктірді. Каталондық клуб алғашқы жеті минутта екі гол жіберіп алғанына қарамастан, матч соңында жеңісті жұлып алды.
Кездесудің 5-минутында Тейджон Бьюкенен есеп ашты. Араға екі минут салып Тани Олувасейи қонақтардың басымдығын еселеді.
Екінші таймда алаң иелері қарқын қосып, таразы басын өз жағына аударды. 57-минутта Жерар Мартин есеп айырмасын қысқартса, 61-минутта Фермин Лопес есепті теңестірді. Ал 67-минутта Пау Наварро допты өз қақпасына енгізіп, «Барселонаға» жеңіс сыйлады.
Осылайша, каталондық клуб он минуттың ішінде үш гол соғып, камбэк жасады.
«Барселона» 36 ұпаймен турнир кестесінде көш бастап тұр. «Вильярреал» 15 ұпаймен 11-орынға жайғасқан.
Біздің серіктес: Sport12kz