15.10.2024
Еуро-2025: Қазақстандық жастар іріктеу кезеңіндегі соңғы ойынын өткізеді
Фото: Қазақстан футбол федерациясы
Футболдан 21 жасқа дейінгі Қазақстан жастар құрамасы 2025 жылғы Еуропа чемпионаты іріктеу кезеңі аясында бүгін, 15 қазанда Шотландиямен кездеседі.
Бұл кездесу біздің құрама үшін іріктеу кезеңіндегі соңғы ойын болмақ. Ойын сағат 21.00-де Алматы қаласындағы Орталық стадионда өткізіледі.
Қазақстандық жастар В тобында сынға түсіп жатыр. Қарсыластары - Испания, Шотландия, Бельгия, Венгрия және Мальта. Сегіз ойыннан кейін қазақстандық жастар алты ұпаймен бесінші орында келеді.
Айта кетсек, қазақстандық жастар бұдан бұрын 10 қазанда сырт алаңда Испанияға 3:4 есебімен есе жіберді. Біздің құрамадан Ғалымжан Кенжебек 12, 68, Данил Анкудинов 76-минутта мергендік танытты.
Біздің серіктес: 200 000 фрибетті ұтысқа саламыз – арнаға жазыл және батырманы бас
