Қайрат Сәтжанов қазақстандық боксшылардың алдағы жоспары жөнінде әңгімелеп берді

 Бокстан Қазақстан ұлттық құрамасының бас бапкер Қайрат Сәтжанов былғары қолғап шеберлерінің алдағы жоспары жөнінде әңгімелеп берді. 

- 13-31 қаңтар жылдың алғашқы оқу-жаттығу жиынын Түркістан облысында өткізіп жатырмыз. 25 қаңтар күні ұлттық құраманың 2-3 нөмірлі боксшылары Алакантаға (Испания) аттанады. Бұл жиынға Ұлыбритания, Шотландия, Мажарстан, Испания елдері қатысады. Кейін халықаралық турнир ұйымдастырылады.

Өзіміздің жиын аяқталғасын аз уақыт демалып, 10 ақпан Софияға (Болгария) жолға шығамыз. Біріккен оқу-жаттығу жиынына және Странджа турниріне қатысамыз. Көп елдер осы жарысқа үздік боксшыларын әкеледі деп күтілуде, - деді бас бапкер.

Оның айтуынша, биылға басты мақсаты – күзде өтетін әлем және Азия чемпионаттары. 

- Дегенмен, бұл жарыстардың барлығы біздің басты мақсатымыз, яғни кешенді жарыстарға дайындығымызды шыңдау үшін керек. Бұл – 2026 ж Азия Ойындары, 2027 ж өз еліміздегі әлем чемпионаты мен 2028 ж Олимпиада. Осы аралықта жүйелі жаттығу жасап, құрамды жақсылап іріктейміз. Қазір қатарға қосылған талантты жастар көп, біздің міндетіміз – ел намысын абыроймен қорғайтын құрамды әділетті іріктеу және боксшыларды жан-жақты ашу, - деп толықтырды бас бапкер.

Біздің серіктес: 200 000 фрибетті ұтысқа саламыз – арнаға жазыл және батырманы бас