Эль-Класико тағы да шетелде өтуі мүмкін

Келесі Эль-Класико Испанияда емес бөгде елде өтуі бек мүмкін. «Камп Ноу» стадионының құрылысы кешіктіріліп жатыр.

«Барселона мен «Реал Мадрид» арасындағы келесі кездесу Ла Лига аясында, 11 мамыр күні өтуі керек. Бірақ ойынның қайда өтетіні әзірге беймәлім.

«Блауграналықтардың» қазіргі уақытша стадионы «Монжуикпен» келісімшарты келе жатқан сәуір айына дейін жарамды. Оның үстіне аталған аренада мамыр айына концерттер сериясы жоспарланған.

Клуб басшылары матчты шетелде өткізуді жоспарлап отыр. Бірақ федерация әлі бұл ұсынысты мақұлдамады.

Еске сала кетейік, соңғы Эль-Класико Испания суперкубогының финалы аясында, Сауд Арабиясының Эр-Рияд қаласында өткен болатын. Аталған кездесуде 2:5 есебімен «Барселона» басым түсіп, ел суперкубогының 15 дүркін иегері атанған болатын.