04.03.2025
Шахматшы Қазыбек Нөгербек халықаралық турнирде қола алды
Фото: Спорт және дене шынықтыру істері комитеті
Қазақстандық гроссмейстер Қазыбек Нөгербек Францияның Канн қаласында өткен Festival International des Jeux 2025 халықаралық шахмат турнирінде жоғары нәтиже көрсетті.
Бұл жөнінде ҚР Туризм және спорт министрлігі Спорт және дене шынықтыру істері комитеті мәлім етті.
20 жастағы шахматшы 9 турдың қорытындысы бойынша 7 ұпай жинап, жүлделі үшінші орынға ие болды.
Турнирдің соңғы кезеңінде Қазақстанның екі гроссмейстері – Қазыбек Нөгербек пен 24 жастағы Әлішер Сүлейменов өзара кездесіп, тартысты ойын көрсетті. Бұл партия турнирдегі ең қызықты кездесулердің бірі болды.
Біздің серіктес: Olimpbet қосымшасын пайдалан
