11.03.2025
Алуа Балқыбекова әлем чемпионаты ширек финалына шықты
Фото: Қазақстан бокс федерациясы
Бүгін, 11 наурызда Сербияның Ниш қаласында өтіп жатқан әйелдер арасындағы әлем чемпионатының үшінші жарыс күнінде Алуа Балқыбекова марокколық Ясмин Мутакимен жекпе-жек өткізді.
Алғашқы екі раундта қазақстандық боксшының басымдығы байқалды. Нәтижесінде төрешілер бірауыздан оның жеңісіне қолдау білдірді. Шешуші кезеңде де сол қарқыннан тайған жоқ.
Төрешілер шешімімен ол қарсыласынан 5:0 есебімен басым түсті.
Алуа бұдан бұрын 1/16 финалда кениялық Нзиваны жеңген еді.
Енді Алуа ширек финалда түркиялық Айсен Таскинмен кездеседі. Бұл жекпе-жек 13 наурызға жоспарланған.
Біздің серіктес: Olimpbet қосымшасын пайдалан
