Қазақстан құрамасы әлем чемпионатына іріктеуде Беларусьпен кездеседі

10 қарашадан 11 қарашаға қараған түні Словакияның Гуменне қаласында футзалдан 2028 жылғы әлем чемпионатының іріктеу кезеңі аясында Қазақстан құрамасы Беларусьпен кездеседі, деп хабарлайды Sport12.kz .

Беларусь – Қазақстан матчының тікелей трансляциясы Қазақстан уақытымен сағат 00:00-де басталады.

Командалар топтық кезеңдегі алғашқы ойынын Астанада өткізіп, Қазақстан құрамасы 5:4 есебімен жеңіске жеткен еді. Сол кездесуде Эдсон хет-трик жасап, Альберт Ақбаликов пен Лео Игита бір-бір голдан соқты.

Одан кейін Беларусь құрамасы Албанияны 8:2 есебімен ойсырата жеңді. Осылайша, екінші кездесудің алдында Қазақстан мен Беларусьтің еншісінде үш ұпайдан бар. Алайда белорустар бір ойын артық өткізді.

Топ жеңімпазы 2028 жылғы әлем чемпионатының элиталық кезеңіне тікелей жолдама алады. Ал екінші орын алған команда рейтинг арқылы келесі кезеңге өту мүмкіндігіне ие болады. Іріктеу турнирі 2028 жылдың сәуірінде аяқталады.

Біздің серіктес: Sport12kz