07.11.2026
Азия чемпионаты: Қазақстан құрамасы бүгін Қытаймен кездеседі
7 қарашада хоккейден Қазақстан құрамасы Оңтүстік Кореяның Чонджу қаласында өтіп жатқан 2027 жылғы Азия чемпионатында Қытаймен кездеседі, деп хабарлайды Sport12.kz.
Қазақстан – Қытай матчының тікелей трансляциясы Астана уақытымен сағат 13:30-да басталады.
Қазақстан құрамасы құрлық біріншілігін Жапонияны 3:2 есебімен жеңуден бастады. Сол кездесуде Максим Мұхәметов, Александр Мигунов және Кирилл Никитин шайба соқты. Ал Қытай құрамасы алғашқы матчта Оңтүстік Кореядан 2:3 есебімен жеңіліп қалды.
2027 жылғы Азия чемпионаты айналмалы жүйе бойынша өтеді. Әр команда барлық қарсыласымен кездеседі. Қазақстан құрамасы турнирдегі соңғы матчын 8 қарашада Оңтүстік Кореяға қарсы өткізеді.
Айта кетейік, Қазақстан құрамасы – хоккейден Азияның екі дүркін чемпионы. Ұлттық команда 2025 жылы Алматыда, 2026 жылы Қытайдың Бейжің қаласында өткен құрлық біріншіліктерінде алтын медаль жеңіп алған.
Біздің серіктес: Sport12kz