«Номадтың» 2026 жылғы Континенталды кубоктағы ойын кестесі жарияланды

Астаналық «Номад» командасының шайбалы хоккейден 2026 жылғы Континенталды кубоктың екінші кеезңіндегі ойын кестесі белгілі болды, деп хабарлайды Sport12.kz.

Қазақстандық команда бұл кезеңде D тобында сынға түседі. Қарсыластары - «Херлев Иглз» (Дания), «Корона Брашов» (Румыния) және «Азиаго» (Италия).

Бұл кезеңдегі ойындар Италияның Азиаго қаласында 13-15 қараша аралығында өткізіледі.

«Номадтың» ойын кестесі (Қазақстан уақытымен):

14 қараша. 00:00. «Азиаго» - «Номад»;

14 қараша. 20:30. «Номад» - «Корона Брашов»;

15 қараша. 20:30. «Номад» - «Херлев Иглз».

Айта кетсек, биыл қаңтар айындаҰлыбританияның Ноттингем қаласында өткен шайбалы хоккейден Континенталды кубок ойындарына қазақстандық «Торпедо» (Өскемен) қатысты.

Турнирдің шешуші кезеңінде өскемендік команда жоғары деңгейдегі ойын өрнегін көрсетіп, нағыз мінез таныта білді. «Торпедо» даттың «Хернинг Блю Фокс» клубын 6:2 есебімен сенімді түрде жеңсе, Францияның «Дюк Д’Анже» командасымен өткен тартысты ойында овертаймда ғана 2:3 есебімен есе жіберді.

Ал алтын жүлде үшін өткен кездесуде қазақстандық клуб алаң иелері - «Ноттингем Пантерз» командасымен шеберлік байқасты. Турнир қорытындысы бойынша «Торпедо» жүлделі екінші орынды иеленді.

Еске салсақ, Оңтүстік Кореяда өткен 2027 жылғы Азия чемпионатының қорытындысы бойынша турнирдің үздік ойыншылары анықталды.

Біздің серіктес: Sport12kz