ҚХЛ: «Барыс» «Металлург» командасынан басым түсті

Қазақстандық «Барыс» Құрлықтық хоккей лигасындағы кезекті ойынын бүгін, 15 қарашада елордада Ресейдің «Металлург» (Магнитогорск) командасына қарсы өткізді, деп хабарлайды Sport12.kz.

Ресейлік команда биыл біріншілікте жинақы ойынымен көзге түсіп келеді. Қазірге дейін 25 ойыннан кейін 39 ұпай жинап, ҚХЛ-дың тұрақты чемпионатында көш тізгінін қолға алған олар әрбір кездесуде жеңіске жетуге күш салып жүр.

Ал елордалық клуб алғашқы он алты команданың арасынан көрінуге ұмтылып отыр. Бұл плей-офф сатысына жолдама алуға мүмкіндік береді.

Кездесу барысында командалар тартысты ойын өткізді. Алғашқы екі кезеңде елордалық клуб төрт шайба соқса, оған ресейлік ұжым екі голмен жауап қайырды. Шешуші кезеңде елордалық клуб бір мәрте көзге түссе, ресейлік команда екі шайба соқты.

«Барыс» (Астана, Қазақстан) – «Металлург» (Магнитогорск, Ресей) 5:4 (2:1, 2:1, 1:2)

Шайбалар:

0:1 – 05:12 Рубин (Джонсон, Яковлев).

1:1 – 14:37 Бэйли (Приски, Морелли).

2:1 – 15:14 Приски (Пилон, Морелли).

3:1 – 21:24 Бэйли.

3:2 – 29:18 Нечаев (Ткачёв, Силантьев).

4:3 – 37:41 Бэйли.

4:3 – 52:39 Тодд (Вовченко, Толчинский).

5:3 – 58:11 Савицкий.

5:4 – 58:50 Вовченко (Тодд, Провольнев).

Қақпашылар: Шутов – Заврагин 00:00-21:24, Смолин 21:24-60:00.

Осылайша «Барыс» қарсыласынан 5:4 есебімен басым түсіп, турнир кестесінде 29 ұпаймен он бірінші орынға көтерілді.

Енді елордалық клуб алдағы екі ойынын сырт айдында өткізеді. Алдымен 18 қарашада Ресейде «Салават Юлаев» (Уфа) клубымен кездессе, одан кейін 20 қарашада «Авангард» (Омбы) командасымен ойнайды.

Біздің серіктес: Sport12kz