6 сағат бұрын
«Барыс» Минскінің «Динамосына» есе жіберді
Астаналық «Барыс» Құрлықтық хоккей лигасының тұрақты чемпионатында өз алаңында Минскінің «Динамосынан» 1:2 есебімен жеңілді.
Кездесудің алғашқы кезеңінде есеп ашылған жоқ. Екінші кезеңде Джастин Бэйли мергендік танытып, алаң иелерін алға шығарды. Алайда үзіліске екі минут қалғанда Сэм Энэс таразы басын теңестірді.
Үшінші кезеңнің 49-минутында Сэм Энэс тағы бір шайба соғып, минскілік командаға жеңіс әкелді. Осылайша, қонақтар Астанадан үш ұпаймен қайтты.
Михаил Кравец шәкірттері ҚХЛ-дағы қатарынан үшінші матчта жеңіліп қалды.
«Барыс» келесі кездесуін 25 қарашада өткізеді. Астаналық клуб өз мұз айдынында Череповецтің «Северсталь» командасын қабылдайды.
Біздің серіктес: Sport12kz