Загреб Гран-приі: Қазақстанның үш дзюдошысы финалға шықты

Қазақстандық дзюдошылар Ғалия Тынбаева, Аман Бақытжан және Нұрқанат Серікбаев Хорватия астанасы Загребте өтіп жатқан Гран-при турнирінің финалына жолдама алды.

48 келіге дейінгі салмақта Ғалия Тынбаева жартылай финалда австриялық Жаклин Шпрингерден «юко» ұпайымен басым түсті. Енді ол алтын медаль үшін 2025 жылғы әлем чемпионы, италиялық Ассунта Скуттомен белдеседі.

60 келіде өнер көрсететін Аман Бақытжан словениялық Давид Старкельді екі «юко» ұпайымен жеңді. Финалда оның қарсыласы – Токио Олимпиадасының күміс жүлдегері, Қытайлық Тайбэй өкілі Ян Юнвэй.

Ал 66 келіде Нұрқанат Серікбаев италиялық Валерио Аккольиді «ваза-ари» әдісімен ұтты. Енді қазақстандық дзюдошы финалда бразилиялық Роналд Лимамен кездеседі.

Осылайша, Қазақстан құрамасының үш өкілі кем дегенде күміс медальді қамтамасыз етті. Финалдық белдесулер Астана уақытымен сағат 21:00-де басталады.

Біздің серіктес: Sport12kz