Михаил Шайдоров Франциядағы турнирде 12 спортшының ішінен 10-орын алды

Қазақстандық мәнерлеп сырғанаушы Михаил Шайдоров Францияның Анже қаласында өткен 2026/27 жылғы Гран-при сериясының алғашқы кезеңінде оныншы орынға тұрақтады.

Отандасымыз екі бағдарлама қорытындысы бойынша 206,55 ұпай жинады. Қысқа бағдарламада 80,25 ұпаймен төртінші орынға орналасқан Шайдоров еркін бағдарламада 126,30 ұпай иеленіп, 11-нәтиже көрсетті.

Жарыс қорытындысы бойынша Франция өкілі Адам Сяо Хим Фа 284,24 ұпаймен жеңімпаз атанды. Жапониялық Као Миура 247,96 ұпаймен күміс жүлдеге ие болса, Оңтүстік Корея спортшысы Со Минкю 244,90 ұпаймен үздік үштікті түйіндеді.

Айта кетейік, Гран-при сериясы мәнерлеп сырғанаудан халықаралық маусымның маңызды жарыстарының бірі саналады. Кезеңдерде үздік нәтиже көрсеткен спортшылар желтоқсанда өтетін Гран-при финалына жолдама алу үшін бақ сынайды.

Біздің серіктес: Sport12kz