Қазақстандық мерген Әлем чемпионатының финалына жолдама алды

Қазақстандық мерген Әсем Орынбай Дохада өтіп жатқан стенд атудан әлем чемпионатының финалына шықты.

«Скит» бағдарламасында сынға түскен отандасымыз іріктеу кезеңінде 125 нысананың 121-ін дәл көздеді. Бірнеше спортшының нәтижесі бірдей болғандықтан, финалға өтетін мергендерді анықтау үшін қосымша сайыс өткізілді. Оның қорытындысы бойынша Әсем Орынбай сегізінші орынға тұрақтап, шешуші кезеңге жолдама алды.

Іріктеу кезеңінде ең үздік нәтижені Ұлыбритания өкілі Эмбер Раттер тіркеді. Ол 123 нысананы дәл көздеді. Қытайлық Цзян Чаоюй мен франциялық Ноэми Батто 122 ұпайдан жинады.

Бұл жарыста Қазақстан атынан тағы екі мерген өнер көрсетті. Зоя Пискун 117 нысананы көздеп, 17-орынға ие болса, Ольга Хайлова 101 нәтижемен 62-орынға тұрақтады.

Біздің серіктес: Sport12kz