Астанада каратэден Қазақстан чемпионаты басталды

Астанада WKF каратэден ересектер арасындағы Қазақстан чемпионаты өтіп жатыр. Ел біріншілігіне еліміздің 15 өңірінен 150-ге жуық спортшы қатысуда, деп хабарлайды Sport12.kz.

Жарысқа Қазақстан құрамасының көшбасшылары, әлем чемпионы Мөлдір Жаңбырбай, Азия чемпионы Дайяна Даренская, сондай-ақ Азия чемпионаты мен халықаралық жарыстардың жүлдегерлері Никита Тарнакин, Мирас Әбдіқадыр, Нұрия Тізімбай және Гүлмира Үсенова қатысады.

Спортшылар ката және кумите бағдарламалары бойынша жекелей және командалық сайыста бақ сынайды. Чемпионат қорытындысы бойынша келесі жылға арналған ұлттық құрама жасақталады.

Қазақстан чемпионаты 6-8 қараша аралығында Астанадағы Beeline Arena спорт кешенінде өтеді.

Біздің серіктес: Sport12kz