Қазақстан керлингшілері әлем чемпионатына жолдама ала алмады

Қазақстанның ерлер құрамасы керлингтен 2027 жылғы әлем чемпионатына іріктеу турнирінде плей-офф кезеңіне шыға алмады, деп хабарлайды Sport12.kz.

Шотландияның Абердин қаласында өткен жарыста қазақстандық спортшылар А тобында жеті кездесу өткізді. Ұлттық құрама үш рет жеңіске жетіп, төрт ойында жеңіліс тапты. Нәтижесінде топтық кезеңді алтыншы орынмен аяқтады.

Қазақстан құрамасы соңғы кездесуін Гонконг спортшыларымен өткізді. Негізгі уақытта жеңімпаз анықталмай, қосымша эндте қарсылас 8:5 есебімен басым түсті.

Турнир барысында қазақстандықтар Данияны (5:3), Австрияны (7:4) және Мексиканы (9:3) жеңді. Ал Түркиядан (3:6), Норвегиядан (1:6), Испаниядан (4:7) және Гонконгтан (5:8) жеңіліп қалды.

Осылайша, Қазақстан жалпы есепте 12-орынға тұрақтап, жарысты аяқтады. Плей-офф кезеңіне әр топтан үздік төрт команда жолдама алды. А тобынан Норвегия, Дания, Австрия және Түркия келесі кезеңге өтті.

Айта кетейік, Қазақстан құрамасы сапында Абылайхан Жүзбай, Әділ Жұмағожа, Айдос Аллияр, Мадияр Қорабаев және Дмитрий Гарагуль өнер көрсетті.

Жарыс қорытындысы бойынша алты құрама 2027 жылғы әлем чемпионатына қатысуға мүмкіндік алады.

Біздің серіктес: Sport12kz