Қазақстандық керлингшілер әлем чемпионатының іріктеуінде сүрінді

Қазақстанның ерлер құрамасы Шотландияның Абердин қаласында өтіп жатқан керлингтен іріктеу турнирінде плей-офф кезеңіне шыға алмады.

Қазақстандық керлингшілер А тобында жеті матч өткізіп, оның үшеуінде жеңіске жетті. Төрт ойында жеңілген ұлттық құрама топтық кезеңді алтыншы орынмен аяқтады.

Қазақстан құрамасы соңғы ойынында Гонконг спортшыларымен кездесті. Негізгі уақыт тең есеппен аяқталып, қосымша кезеңде қарсылас команда 8:5 есебімен басым түсті.

Бұған дейін отандастарымыз Данияны (5:3), Австрияны (7:4) және Мексиканы (9:3) жеңген болатын. Ал Түркиядан (3:6), Норвегиядан (1:6), Испаниядан (4:7) және Гонконгтан (5:8) жеңіліс тапты.

Осы нәтижеден кейін Қазақстан құрамасы жалпы есепте 12-орынға тұрақтады. Плей-офф кезеңіне әр топтан үздік төрт команда жолдама алды. А тобында Норвегия, Дания, Австрия және Түркия құрамалары келесі кезеңге өтті.

Айта кетейік, іріктеу турнирінде Қазақстан намысын Абылайхан Жүзбай, Әділ Жұмағожа, Айдос Аллияр, Мадияр Қорабаев және Дмитрий Гарагуль қорғады.

Турнир қорытындысы бойынша 2027 жылғы әлем чемпионатына алты құрама жолдама алады.

Біздің серіктес: Sport12kz