Ұлттық ұлан Бас қолбасшылығында үздік мергендер анықталды

Астанада ҚР ІІМ Ұлттық ұланы Бас қолбасшылығында Макаров тапаншасы мен Калашников автоматынан оқ атудан жеке-командалық біріншілік өтті, деп хабарлайды Sport12.kz.

Жарысқа Бас қолбасшылықтың құрылымдық бөлімшелерінің әскери қызметшілері қатысты. Қатысушылар атыс даярлығы мен мергендік шеберліктерін көрсетіп, штаттық қаруды қолдану дағдыларын сынады.

Жеңімпаздар мен жүлдегерлерді Ұлттық ұлан Бас қолбасшысының тәрбие және әлеуметтік-құқықтық жұмыстар жөніндегі орынбасары, генерал-майор Қайрат Үмбетов марапаттады. Үздік нәтиже көрсеткен әскери қызметшілерге медальдар, грамоталар және ауыспалы кубок табысталды.

Калашников автоматынан оқ ату бойынша:

• 1-орын – кезекші қызметінің бастығы, подполковник Самат Исаев;
• 2-орын – байланысты техникалық қамтамасыз ету бөлімінің бас инженері, подполковник Әлихан Әлішеров;
• 3-орын – «Б» орталығының әскери қызметшісі, подполковник Рустам Мұқанов.

Макаров тапаншасынан оқ ату бойынша:

• 1-орын – әскерлерді даярлау бөлімінің аға офицері, подполковник Ринат Жанболатов;
• 2-орын – қару-жарақ пен әскери техниканы есепке алу бөлімшесінің аға офицері, капитан Нұрлан Нұрғалиев;
• 3-орын – «Б» орталығының әскери қызметшісі, майор Иван Панасюк.

Жалпы командалық есепте «Б» орталығының құрамасы жеңімпаз атанып, ауыспалы кубокты иеленді.

Бұл туралы ҚР ІІМ Ұлттық ұланының баспасөз қызметі хабарлады.

Біздің серіктес: Sport12kz