15 сағат бұрын
Қазақстандық мәнерлеп сырғанаушы қысқа бағдарламада үздік ондыққа іліге алмады
Эстонияның Таллин қаласында мәнерлеп сырғанаудан ISU Challenger сериясы аясындағы халықаралық турнир өтіп жатыр, деп хабарлайды Sport12.kz.
Жарыс барысында ерлер қысқа бағдарламаны орындады. Қазақстандық Артур Смағұлов 61,09 ұпай жинап, 11-орынға тұрақтады.
Тағы бір отандасымыз Никита Кривошеев жарыстан шығып қалды.
Қысқа бағдарламадан кейін италиялық Габриэле Франджипани 80,96 ұпаймен көш бастап тұр. Оңтүстік Корея өкілі Ким Хёнгём 79,57 ұпаймен екінші орында болса, польшалық Владимир Самойлов 74,35 ұпаймен үздік үштікті түйіндеді.
Айта кетейік, еркін бағдарлама 19 қарашада өтеді.
Біздің серіктес: Sport12kz