3 сағат бұрын
Кристина Шумекова Жапониядағы әлем кубогында үздік бестікке енді
Жапонияның Обихиро қаласында конькимен жүгіруден әлем кубогының екінші кезеңі басталды. Жарыстың алғашқы күнінде Қазақстан құрамасының өкілі Кристина Шумекова 1 000 метр қашықтықта мәреге бесінші болып жетті.
Отандасымыз аталған қашықтықты 1 минут 15,38 секундта жүгіріп өтіп, жеңімпаздан 1,68 секундқа қалып қойды.
Бұл бәсекеде Нидерланд өкілдері үздік екі орынды иеленді. Ангел Далеман 1:13.70 нәтижесімен алтын медаль жеңіп алса, Изабель Гревелт 1:14.66 уақыт көрсеткішімен күміс жүлдегер атанды. Ал Польша спортшысы Виктория Дабровска 1:14.80 нәтижесімен үздік үштікті түйіндеді.
Айта кетейік, Кристина Шумекова әлем кубогының алғашқы кезеңінде де осы қашықтықта бақ сынап, күміс медаль иеленген еді. Бейжіңде өткен жарыстағы нәтижесінен кейін қазақстандық спортшы Жапониядағы кезеңде де үздік бестікке енді.
Біздің серіктес: Sport12kz