2 сағат бұрын
Қазақстандық мәнерлеп сырғанаушы Tallinn Trophy жарысында үздік 15 спортшының қатарына енді
Қазақстандық мәнерлеп сырғанаушы Артур Смагулов Эстонияда өткен Tallinn Trophy 2026 халықаралық турнирін 13-орынмен аяқтады.
Отандасымыз еркін бағдарламада 109,51 ұпай жинап, осы кезеңнің қорытындысы бойынша 13-нәтиже көрсетті. Ал қысқа бағдарламада төрешілер оның өнерін 61,09 ұпайға бағалаған еді.
Осылайша, екі бағдарламаның қорытындысы бойынша Артур Смагулов 170,60 ұпай еншілеп, жалпы есепте 13-сатыға тұрақтады.
Турнир жеңімпазы Италия өкілі Габриэле Франджипани атанды. Ол екі бағдарлама нәтижесінде 215,19 ұпай жинады. Күміс жүлдені 214,33 ұпаймен канадалық Энтони Паради иеленсе, Оңтүстік Корея спортшысы Хёнгём Ким 213,24 ұпаймен үздік үштікті түйіндеді.
Айта кетейік, Tallinn Trophy мәнерлеп сырғанаудан халықаралық жарыстардың бірі. Биылғы турнир Эстонияда өтіп, оған бірнеше елдің спортшылары қатысты.
Біздің серіктес: Sport12kz