10.03.2025
Қазақстандық дзюдошылар Еуропа кубогында 22 медаль алды
Фото: Қазақстан дзюдо федерациясы
Түркияның Анталия қаласында жасөспірімдер арасында Еуропа кубогы мәресіне жетті.
Жарыстың екінші күнінде қазақстандық балуандар 2 алтын және 3 қола жүлде алды.
Ел құрамасынан Тоқтар Батырхан (90 келі) мен Мырзатай Қыдырбай (73 келі) жеңіс тұғырына көтерілді. Ал Дәулеткерей Сефил (73 келі), Әділжан Жаудинов (90 келіден жоғары), Ердәулет Жұмабай (90 келіден жоғары) үздік үштікті түйіндеді.
Айта кетсек, аталған турнирдің алғашқы жарыс күнінде Қазақстан жасөспірімдер құрамасы 17 медаль еншілеген еді. Оның ішінде 5-і алтын, 3-і күміс, 9-ы қола.
Осылайша қазақстандық дзюдошылар Еуропа кубогында барлығы 22 медаль олжалап қайтты.
Біздің серіктес: Olimpbet қосымшасын пайдалан
