Жібек Құламбаева Үндістандағы WTA-250 турнирінің ширек финалында жеңіліп қалды

Қазақстандық теннисші Жібек Құламбаева Үндістанның Ченнай қаласында өтіп жатқан WTA-250 санатындағы турнирдің жұптық сынында жарысты аяқтады.

Отандасымыз Австралия өкілі Габриэла Да Силва Фикпен бірге ширек финалда поляк Варвара Фальковская мен британиялық Алисия Смитке қарсы кортқа шықты.

Қазақстандық-австралиялық жұп алғашқы партияда 6:3 есебімен жеңіске жетті. Алайда екінші сетте қарсыластары басымдық танытып, 7:5 есебімен таразы басын теңестірді.

Жеңімпазды анықтаған супер тай-брейкте Фальковская мен Смит 10:5 есебімен басым түсті. Осылайша, ойын 3:6, 7:5, 10:5 есебімен поляк-британиялық жұптың пайдасына аяқталды.

Нәтижесінде Жібек Құламбаева мен Габриэла Да Силва Фик Үндістандағы турнирді ширек финалда тоқтады.

Біздің серіктес: Sport12kz