21 сағат бұрын
Әлемдік теннистің екі жұлдызы Даңқ залына қосылады
Халықаралық теннис даңқ залы 2027 жылы құрметті тізімге қосылатын спортшылардың есімдерін жариялады. Олардың қатарында австралиялық Эшли Барти мен жапониялық арбамен теннис шебері Синго Куниэда бар.
Эшли Барти мансабында жекелей сында үш «Үлкен дулыға» турнирінде жеңіске жетті. Ол 2019 жылы «Ролан Гаррос», 2021 жылы Уимблдон және 2022 жылы Australian Open жарыстарында топ жарды. Сонымен қатар 2018 жылы US Open турнирінің жұптық сынында чемпион атанды.
Ал Синго Куниэда арбамен теннистегі ең табысты спортшылардың бірі саналады. Оның еншісінде төрт Паралимпиада алтыны және ірі халықаралық турнирлердегі 50 чемпиондық атақ бар.
Айта кетейік, 2027 жылғы үміткерлер қатарында Хуан Мартин дель Потро мен Светлана Кузнецова да болған. Алайда олар қорытынды тізімге енбеді.
Эшли Барти мен Синго Куниэданы Даңқ залына қабылдау рәсімі 2027 жылғы 26-28 тамызда АҚШ-тың Ньюпорт қаласында өтеді.
Біздің серіктес: Sport12kz