Қазақстанның төрт боксшысы әлем чемпионатының финалына шықты

Қазақстан құрамасының төрт боксшысы Черногорияның Будва қаласында өтіп жатқан U19 әлем чемпионатының финалына жолдама алды. Алтын медальдар 27 қазанда сарапқа салынады.

70 келіге дейінгі салмақта Бибарыс Әшірбай өзбекстандық Зулфикор Адхамжоновты 4:1 есебімен жеңді. Әйелдер арасында 57 келіге дейінгі салмақта Алина Құдайгенова қытайлық Яруо Чжэннен 3:2 есебімен басым түсті.

Сондай-ақ Зарина Толыбай түркиялық Мирей Догруды, ал Владислав Саможонов әзербайжандық Сафдар Маммадзаданы 5:0 есебімен ұтып, финалға шықты.

Финалистер саны бойынша Қазақстан Қытаймен бірге үшінші орында тұр. Ресей құрамасынан 10 боксшы, Өзбекстаннан алты спортшы шешуші кезеңге өтті.

Біздің серіктес: Sport12kz