Бокстан барлық жас санаты бойынша Қазақстан чемпионаты қашан өтеді

Бокстан барлық жас санаты бойынша Қазақстан чемпионаты қай уақытта өткізілетіні белгілі болды, деп хабарлайды Sport12.kz.

Алдымен Ақтау қаласында 7-13 қараша аралығында 17 жасқа дейінгі жасөспірімдер жүлдені сарапқа салса, 19 жасқа дейінгілер 15-22 қарашада Астанаға жиналады.

Сондай-ақ 17 және 19 жасқа дейінгі қыздар 29 қараша-5 желтоқсан аралығында ел біріншілігіне қатысады.

Ал ересектер арасындағы ел біріншілігі 30 қазан-6 қараша аралығында Тараз қаласында болады. Алдымен 29 қазанда жеребе тарту рәсімі өткізілсе, боксшылар 30 қазан-1 қарашада алдын-ала жекпе-жекте сынға түседі.

Одан кейін 2-3 қарашада ширек финал болса, 4-5 қарашада жартылай финал белгіленген.

Ал 6 қарашада боксшылар финалда бас жүлдені сарапқа салады.

Еске салсақ, қазақстандық боксшылар Черногорияның Будва қаласында өтіп жатқан World Boxing ұйымының 19 жасқа дейінгілер арасындағы әлем чемпионатының финалында кімдермен сайысқа түсетіні белгілі болды.

Біздің серіктес: Sport12kz