Хамза Шираз «Канеломен» жұдырықтасуға ниетті

Ұлыбританиялық боксшы Хамза Шираз мексикалық Сауль «Канело» Альвареспен жекпе-жек өткізгісі келетінін мәлімдеді.

Шираз бұл туралы DAZN арнасындағы Майк Коппинджерге берген сұхбатында айтты. Оның сөзінше, басты мақсаты – әлемнің үздік боксшыларымен күш сынасу.

«Мен бұл спортқа ең мықты болу және „Канело“ секілді боксшылармен жұдырықтасу үшін келдім. Бұрын мұндай жекпе-жек тек арман болатын. Қазір күн сайын жаттығуымды күшейтіп жүрмін. „Канеломен“ айқасу енді шындыққа айналып келе жатқандай», – деді британдық боксшы.

Айта кетейік, Хамза Шираз бұған дейін екінші орта салмақтағы WBO чемпиондық белбеуін Жәнібек Әлімханұлына қарсы жекпе-жекте қорғаудан бас тартып, титулдан айырылған еді. Енді Жәнібек бос қалған белбеуді датиялық Якоб Банкпен кездесуде сарапқа салады.

Біздің серіктес: Sport12kz