Қайрат Нұрдәулетов жанкүйерлерден кешірім сұрады

Талдықорғандық «Жетісудың» бас бапкері Қайрат Нұрдәулетов Қазақстан Премьер-Лигасының қорытынды, 30-турындағы «Астанамен» болған өз алаңындағы тең ойыннан (2:2) кейін жанкүйерлерге үндеу жасады, деп хабарлайды Sport12.kz.

«Бұл ауыр ойын болды, барлығы осы матчты бақылады. Жігіттер бар күшін салды. Баршаңызға рахмет. ҚПЛ-дан ұшып кеткеніміз үшін жанкүйерлерден кешірім сұраймын. Жақсы ойын болады деп ойлағанмын. Жігіттер жеңіске деген үлкен ниетпен шықты. Жеңу үшін шықты, бірақ ақыры жеңіске жете алмадық. Жақсы сабақ алдық деп ойлаймын. Баршаңызға рахмет. Менің де қателіктерім бар, барлығынан кешірім сұраймын», — деді Нұрдәулетов.

Бұл кездесуде «Жетісу» Станислав Басманов (54-минут) пен Никола Буричтің (78-минут) голдарынан кейін екі рет есепті теңестірді. Алаң иелері сапынан Әділхан Добай (58-минут) пен Нұрбол Ануарбеков (83-минут) көзге түсті. 71-минуттан бастап талдықорғандықтар Қашқен алаңнан қуылғаннан кейін азшылықта ойнады.

«Жетісу» чемпионатты 27 ұпаймен 15-орында аяқтап, Премьер-Лигадан шығып қалды. «Астана» 54 ұпай жинап, ҚПЛ-2026 қола жүлдегері атанды.

Біздің серіктес: Sport12kz